टोकियो,जापान।

आवासीय नेपाली संघ ( एनआरएनए ) को अनलाइन निर्वाचनमा जापानलगायत विभिन्न मुलुकहरुमा अनियमीतता भएको जस्ता गुनासा आएको भन्दै परराष्ट्र मन्त्रालयले सो सम्बन्धमा पाँच दिन भित्र सत्य तथ्य जानकारी पठाउन निर्देशन दिएको छ । 

नेपाली राजदूतावास टोकियो , जापानको मार्फत प्राप्त पत्रमा गैर आवासीय नेपाली संघ ,जापानको अध्यक्ष मण्डल द्वारा गठित निर्वाचन समिक्षा समितिले आफ्नो छानबिन पश्चात् सार्वजनिक गरेको प्रतिवेदनमा एनआरएनए जापानको दशौ महाधियशनको निर्वाचनमा ईमेलको दुरुपयोग , भोटरहरुको ईमेल परिवर्तन , जापान बाहेक अन्य मुलुकबाट भोट भएको लगायतका अन्य कारणले निर्वाचनमा अनियमितता भएको व्यहोरा उल्लेख भएको जनाईएको छ ।

गैर आवासीय नेपाली संघ राष्ट्रिय समन्वय परिषद् जापानको गत जुलाई ३० मा सम्पन्न निर्वाचनमा धाधली भएको भन्दै यसअघि परराष्ट्र मन्त्रालयमा उजुरी परेको थियो । सो सम्बन्धमा मन्त्रालयले संघलाई एक पत्र लेख्दै पाँच दिन भित्र सत्य तथ्य जानकारी पठाउन निर्देशन दिएको हो ।

 बिहिबार परराष्ट्र मन्त्रालयका सह सचिव भरतकुमार रेग्मीद्धारा हस्ताक्षरित अन्तराष्ट्रिय समन्वय परिषद् , गैर आवासीय नेपाली संघका नामका पठाइएको पत्रमा निर्वाचन प्रक्रियामा प्रविधिको दुरुपयोग गरिएको , तोकिएको समयावधि भन्दा पछिसम्म पनि निर्वाचन गराएइको , अगष्ट १५ पछिपनि प्रतिनिधिको विवरण पठाइएको , उम्मेद्धार भएका व्यक्ति नै निर्वाचन गराउने प्रक्रियामा सामेल भएको पाइएको , निर्वाचन आचार संहिताको पालना नगरि उलंघन गरिएको लगायतका गुनासा पाइएकोले त्यसको यथार्थ जानकारी दिनका लागि भनिएको छ ।

 जापानमा जस्तो घटना दोहोरिन नदिनका लागि र अब हुने दशौ महाधिवेशनका पदाधिकारीको निर्वाचन स्वच्छ , धाधलीरहित , निष्पक्ष र विश्वासनीय बनाउनका लागि संघले के कस्तो व्यवस्था गरेको छ सो को समेत जानकारी गराउनका लागि निर्देशन गरिएको छ ।