(2).gif)
अर्घाखाची समाज जापानको पहिलो बैठकले नेपाली नयां वर्षमा सास्कृतीक कार्यक्रम गर्ने तय गरेको छ । आईतबार टोकियोको ओकुबोमा बसेको नयां कार्यसमितीको पहिलो बैठकले बार्षिक कार्ययोजना प्रस्तुत गर्दै आगामी अप्रिल १२ तारीख नेपाली कलाकारको साथमा सांस्कृतीक कार्यक्रम गर्ने भएको छ ।
बैठकले समाजका गतिबिधीलाई प्रभावकारी बनाउने उद्देश्यले ६ वटा बिभाग गठन गरी जिम्मेवारी तोकिएको समाजका महासचिव अबिनास जिसीले जानकारी दिनुभयो ।
जसमा सदस्यता वितरण तथा अभिलेखीकरण विभाग, प्रचार–प्रसार तथा प्रकाशन विभाग, क्षेत्रीय समिति समन्वय तथा विस्तार विभाग, महिला विभाग, आर्थिक विभाग, युवा तथा विद्यार्थी विभाग गठन गरेको छ ।
त्यस्तै समाजले अर्घाखाची जिल्लामा त्यहाको अवस्था र आवश्यकतालाई बुझेर स्वास्थ्य शिबीर संचालन गर्ने समाजका अध्यक्ष टोपबहादुर घर्ती मगर बताउनुभयो ।
बिगतका कार्यक्रमको निरन्तरता दिदै BBQ, तीज कार्यक्रम, देउसी भैलो, अक्षयकोष वृद्धि, आर्थिक समन्वय समिति लाई थप व्यवस्थित गर्ने अध्यक्ष मगरले जानकारी दिनुभयो ।
अक्षयकोष वृद्धिका लागी हाल कायम रहेका ९४ जना आजीवन सदस्य संख्यालाई बढाएर एक वर्षभित्र १५० जना पुर्याउने लक्ष्य रहेको समाजका कोषाध्यक्ष निरञ्जन खड्काले जानकारी दिनुभयो ।
त्यसैगरी समाजको पहिलो बैठकले सल्लाहकार समितिमा सोम थापा र मनीष खनाललाई मनोनित गरेको छ ।
