(2).gif)
नेपाली राजदूतावास टोकियोबाट विद्युतीय राहदानी ( E-Passport) का लागि लाईभ इनरोलमेन्ट प्रक्रिया सफलतापूर्वक सम्पन्न भई सेवा प्रारम्भ भएको छ । राहदानी विभागले शुक्रबार विभाग र विदेशस्थित विभिन्न नेपाली नियोगहरुको बीचमा एक अन्तर्क्रिया कार्यक्रम आयोजना गरेको थियो । उक्त कार्यक्रममा विभागका महानिर्देशक डोरनाथ अर्यालले विद्युतीय राहदानी जारी गर्ने प्रक्रियाका बारेमा जानकारी गराउनु हुँदै नियोगहरुलाई आवश्यक निर्देशन दिनुभएको थियो । ई-पासपोर्ट प्रणालीको सफलतापूर्वक शुरुवात भएसँगै शुक्रबार देखि टोकियो स्थित नेपाली दूतावासमा पनि विद्युतीय राहदानीका लागि आवेदन दिन प्रि- इनरोलमेन्ट बुकिङ्ग खुला गरिएको छ ।
प्रि-इनरोलमेन्टका लागि राहदानी विभाग वा राजदूतावासको वेभसाइटमा राखिएको लिखित लिङ्कमा गई विद्युतीय माध्यमबाट तोकिएका विवरण तथा कागजातहरु अपलोड गर्नुपर्नेछ । विद्युतीय राहदानी शुरु भएको प्रारम्भिक चरणमा केही दिनका लागि सीमित बुकिङ्ग मात्र खुला गरिएको जनाईएको छ । हालको राहदानी हराएका, राहदानी र भिषाको बहाल अवधि समाप्त भएका वा तीन महिनासम्मको अवधि बाँकी रहेका व्यक्तिले प्रि-इनरोलमेन्ट गरी समय बुकिङ्ग गरेर लाईभ इनरोलमेन्टका लागि राजदूतावासमा आउनुहुन अनुरोध गरेको छ ।
ई-पासपोर्ट प्रणालीकोलागी राजदूतावासले जारी गरेको सुचना यस्तो छ ।
