गैर आवासीय नेपाली संघ क्षेत्रिय समिती क्युस्युको आयोजनामा जापानमा रहेका नेपालीहरुलाई लक्षित गरि मानसिक स्वास्थ्य सचेतना कार्यक्रम हुने भएको छ । 

फेब्रुअरी १२ तारिख शनिवार बेलुका ८:१५ बजे जापानको समय तथा  ५:०० बजे नेपाली समयमा भर्चुअल रुपमा हुने कार्यक्रमलाई जापानबाट सन्चालित दर्जन बढी अनलाइनले एक साथ प्रसारण गर्ने छन्  । 

विश्वभरि फैलिएको कोभिड-१९ महामारीको कारण जापानमा बसोबास गर्ने नेपाली समुदायमा मानसिक स्वास्थ्यसँग सम्बन्धित विभिन्न समस्याहरु बढिरहेको पाइएको छ। बिशेष गरी जापानको क्युस्यु क्षेत्रमा यसको असर बढी देखिएको छ। मानसिक स्वास्थ्यसंग सम्बन्धित समस्याहरुको पहिचान र समाधानको बारेमा जानकारी प्रदान गर्ने उदेश्यले एनआरएनए जापान क्युस्यु क्षेत्रीय कार्यसमिति र एनआरएनए ग्लोबल हेल्थ कमिटिको सहकार्यमा “मानसिक स्वास्थ्य सचेतना कार्यक्रम” आयोजना गरिएकोएनआरएन क्युस्युका संयोजक अर्जुन थापाले जानकारी दिनुभयो ।

 एनआरएनए ग्लोबल हेल्थका अध्यक्ष डा.संजिब सापकोटा प्रमुख अतिथिको रुपमा रहनुहुने कार्यक्रमको बक्ताहरुमा अमेरिकाबाट डा. अशोक देबकोटा, नेपालबाट डा. राजन थापा, अमेरिकाबाट डा. संजय यादब र क्यानडाबाट लिला नाथ पाण्डेको सहभागितामा कार्यक्रम हुन लागेको पनि संयोजक थापाले जानकारी गराउनुभयो ।

कार्यक्रमलाई एनआरएनए जापानका महिला सचिब एलिजा के.सी र क्युस्यु क्षेत्रिय सचिब कृष्णहरि पाठकले सहजीकरण गर्नुहुनेछ । 

कार्यक्रमलाई गण्डकीपोष्ट डटकमको फेसबुक पेजबाट पनि प्रत्यक्ष प्रसारण गरिने छ।