(2).gif)
नेपाली क्रिकेट प्रतियोगिता इतिहासमा सर्वाधिक पुरस्कार राशि घोषणा गर्दै एभरेष्ट प्रिमियर लिग (इपिएल)ले यस संस्करणको विजेताले पाउने पुरस्कार रकम सार्वजनिक गरेको छ ।
चौथो संस्करण अर्थात यस वर्ष आयोजना हुने इपिएलका विजेताले ५० लाख र उपविजेताले २५ लाख नगद प्राप्त गर्ने भएका छन् । अघिल्लो संस्करणको पुरस्कार राशिमा २५ लाख वृद्धि गर्दै इपिएल नेपाली क्रिकेट प्रतियोगिता इतिहासमा सर्वाधिक पुरस्कार राशिसहितको प्रतियोगिता बनेको छ ।
कीर्तिपुरस्थित टीयू मैदानमा असोज ९ देखि २३ गतेसम्म आयोजना हुने प्रतियोगितामा ६ सहरका ६ फ्रेन्चाइज टोलीहरुले सहभागीता जनाउँदैछन् ।
बजाज पल्सर मुख्य प्रायोजक रहेको प्रतियोगिताको अघिल्लो संस्करणको उपाधि ललितपुर प्याट्रियर्टसले उचालेकाे थियाे । उपाधि रक्षा गर्न ललितपुरले इंग्ल्यान्डका एलेक्स ब्लेकलाई टोलीलाई अनुबन्ध गरेको छ भने अन्य क्लबहरुले पनि विभिन्न राष्ट्रका उत्कृष्ट खेलाडीहरुलाई आ–आफ्नो टोलीमा भित्र्याई सकेका छन् ।
यस सिजनको इपिएलमा पाकिस्तानी शाहिद अफ्रिदी, श्रीलंकाली दिनेश चण्डीमाल, अफगानिस्तानी मोहम्मद शाहजाद, मलेसियाली विरनदीप सिंह लगायत चर्चित खेलाडीहरु सहभागी हुने भएका छन् ।
