जापानमा सक्रिय नेपाली संघ संस्थाहरु मध्येको एक अब्बल  अन्तर्राष्ट्रिय नेपाली साहित्य समाज (अनेसास)जापान च्याप्टरको १३ औं अधिवेशन तथा ६७ औं नियमित साहित्य श्रृंखला सम्पन्न भएको छ । अधिबेशनले सर्वसम्मत रुपमा अरुण पौडेलको नेतृत्वमा नयाँ कार्यसमिती चयन गरेको छ ।

डिसेम्बर १० तारिख आइतबार टोकियोमा सम्पन्न अधिबेशनले २०२३-२०२५ कार्यकालका लागि पौडेल सहितको नयाँ कार्यसमिती सर्वसम्मतिमा चयन गरेको हो ।

समितिको बरिष्ठ उपाध्यक्षमा आनन्द अधिकारी चयन हुनुभएको छ भने  उपाध्यक्षहरुमा शरद पोखरेल र दीपा घिमिरे चयन हुनुभएको छ । महासचिवको जिम्मेवारी अनिल कुमार निर्दोषले पाउँदा सचिवको जिम्मेवारी मनोज मौसम केसी , केबी पारखी र संगीता कूँवरले पाउनुभएको छ । 

दुई बर्षे कार्यकालका लागि कोषाध्यक्षमा मन्जु गिरी बन र सह-कोषाध्यक्ष सरिता चौधरी चयन भएको निर्वाचन समितिका दिप पाठकले जानकारी दिनुभयो ।

सदस्यहरुमा नारायण पोखरेल, सरोज घिमिरे, बिनीसा सापकोटा, अज्ञात मान्छे, भगवती क्षेत्री, सुविन न्यौपाने कान्जीभाइ, यमलाल कँडेल, केशव ज्ञवाली, समर प्रेम र दुई जना सदस्यमा मनोनित गर्न बाँकी राखिएको छ ।

जापानका लागि नेपाली राजदूत डा. दूर्गा बहादुर सुवेदी सहित विभिन्न संघसंस्थाका अध्यक्ष तथा प्रतिनिधिहरुले शुभकामना मन्तव्य व्यक्त गर्नुभएको कार्यक्रममा दर्जन बढी विभिन्न साहित्यप्रेमीहरुले आ-आफ्ना रचना बाचन गर्नुभएको थियो  ।

कार्यक्रम जापानमा नेपाली साहित्य, भाषा र संस्कृतिको प्रवर्धनमा  सहयोग तथा अनेसास जापानको अभियानमा सहकार्य गर्दै आएका एक दर्जन बढी पत्रकार सहित विभिन्न व्यक्तित्वहरुलाई कदरपत्र सहित सम्मान गरिएको थियो ।

कार्यक्रम २०२१-२३ कार्यकाललाई स्वर्णिम बनाउन कुशल नेतृत्व गर्नुहुने रविन शर्माको अध्यक्षता र सरद पोखरेलको सहजिकरणमा सम्पन्न भएको थियो ।