(2).gif)
पोर्चुगलका कप्तान क्रिस्टियानो रोनाल्डो सर्वकालीन सर्वाधिक गोलकर्ता बनेका छन् । बुधबार विश्वकप छनोट खेलअन्तर्गत आयरल्यान्डसँगको खेलमा दुई गोल गरेसँगै ३६ वर्षीय रोनाल्डो सर्वाकालीन सर्वाधिक गोलकर्ता बनेका हुन् ।
सन् २०२२ मा कतारमा हुने विश्वकपको छनोट खेलअन्तर्गत पोर्चुगलले आयरल्यान्डमाथि २–१ गोलको जित निकालेको थियो । पोर्चुगलस्थित स्टेडियो अलगाब्रेमा घरेलु टिमका लागि कप्तान रोनाल्डोले दुई गोल गरेका थिए ।
उनले खेलको अन्त्यतिर रोनाल्डोले दुई गोल गरे । खेलको ८९औँ मिनेटमा र इन्ज्युरी समयमा दोस्रो गोल गर्दै उनले पोर्चुगलको जित सुनिश्चित गरे । यी दुई गोलसँगै उनले राष्ट्रिय टोलीका लागि एक सय ११औँ गोल गरे । रोनाल्डोले एक सय ८० खेल खेलेका छन् ।
उनले इरानका अली दाईलाई दुई गोलले उछिने । सन् १९९३ देखि २००६ बीच इरानका अली दाइले कीर्तिमानी एक सय नौ गोल गरेका थिए ।
