प्रदेशको नाम लुम्बिनी र राजधानी दाङको भालुवाङमा बनाउने प्रदेश ५ सरकारको प्रस्ताव

बुटवल - लामोसमयदेखि अन्यौलमा रहेको प्रदेश ५ को नाम लुम्बनी र स्थायी राजधानी दाङको भालुवाङलाई बनाउने प्रस्ताव प्रदेशसभामा पेश भएको छ ।

प्रदेशसभाको शुक्रबार बसेको बैठकमा आन्तरिक मामिला तथा कानुनमन्त्री कुलप्रसाद केसीले सरकारी प्रस्ताव पेश गरेका हुन् । दाङको राप्ती र गढवा गाउँपालिका तथा अर्घाखाँचीको सितगंगा नगरपालिकाले चर्चिएको राप्ती नदी किनारको राप्ती उपत्यका–देउखुरीलाई स्थायी बनाउने प्रस्ताव छ ।

यस्तै प्रदेशको नाम लुम्बिनी राख्ने उनको प्रस्ताव छ । सत्तारुढ नेपाल कम्युनिस्ट पार्टी (नेकपा)को शीर्ष नेतृत्वबीच सहमति भए लगतै प्रदेश सरकारको मन्त्रिपरिषद् बैठकले प्रदेश राजधानी र नामबारे प्रस्ताव पास गरेको थियो ।

प्रकाशित मिती : २०७७ असोज १६ गते शुक्रबार ।



प्रतिक्रियाहरु